Pet Care Product List: LOVE YOUR PET, CLICK THE INDEX LINK BELOW TO ORDER, THE BEST QUALITY PRODUCT AND THE SAFEST OF ALL
Custom Search

Saturday, November 29, 2008

BEBADI PARAI LABAN RIMAU DI ZOO SINGAPORE

Empai lama ke udah siku ari urang kereja ba Zoo di Singapore bisi bebadi laban Rimau, unggal tuk baka ke sengaja ka munuh diri masuk dalam kandang Rimau semina bebai ka sebatang penyapu enggau beledi, nitih ke berita unggal tuk agi bedau idup maya ia ke diselamat ke bala iya, tang laban ketup rimau nya kuat amat ba pegu iya, unggal tuk mutus ka seput iya ba rantau jalai ke sepital:

Ku sida ke meda utai tuk nyadi, sekeda ngumbai nya semina "Pertunjukkan" urang ba Zoo, tang enda mukai-mukai, unggal tuk endang amat-amat ka di empa rimau. Tenganga meh sekeda nya diak meda utai nya endang real ko emputih....lalu begegar pala patung, nyau kak tekemik ba tanchut....sempat tudah tuai ngangau minta tulong. Tang sapa meh ke berani... semadi rimau dua nya lari tediri nyau takut ninga rauh nyawa bala ke ngesah kia....

THIS PICTURE IS REAL, ABOUT A PERSON KILLED BY ZOO WHITE TIGER WHILE CLEANING/SWEEPING THE PROHIBITED PLACE. UNFORTUNATELY THERE'S SEEMS NO SAFETY PRECAUTION ON THE WORKERS.... THEY JUST SIMPLY ENTER THE CAGE WITHOUT CARE FOR THEIR SAFETY..... THIS TRAGEDY HAPPENED IN SINGAPORE ZOO.




Friday, November 28, 2008

LAUK LEMAI TUK TADI



Tengah hari tuk tadi bala aku bisi datai ari menua lalu ngemai lauk, kukus ngut, rusa enggau tapik dabai. Sayur daun sabung bisi mega lalu nya meh ke sup kami sebuat. Apu kenyang amat... lama ga nadai makai utai ke bakatu.. Nya meh menu lauk kami lemai tuk tadi... Pegila lain agi ga, angka manduk sup ikan labang...

Thursday, November 27, 2008

BELAYA KA RETA TENGKIRA ENGGAU DIRI SEBILIK

Aku deka ngenang tentang kitai Iban ke belaya enggau diri sebilik pasal reta tengkira ia nya baka kebun, senapang, rumah, tanah pesaka enggau utai bukai ke bisi dalam bilik ke ditinggal ka Apai Indai kitai.

Utai tuk selalu nyadi maya Apai enggau Indai ke udah parai, tauka maya Apai enggau Indai udah tuai enda ulih ngereja agi udah di-ibun anak. Enti anak mayuh, barang sapa ke nyanggup ka ngibun Apai Indai nya meh ke ngempu reta tengkira, nya meh ke patut iya. Tang sekeda Apai Indai laban ke nemu diri empu nyau enda dapat, enggai ka anak belaya ka reta tengkira, semua nya endang udah ditaga ke ngagai siku-siku anak.

Tang ba kitai Iban kelebih agi di rumah panjai, pengawa Apai-Indai ke magi reta tengkira ngagai anak jarang amat nyadi. Apai-Indai enggai meda anak beserara enggau pangan diri, anak enda diasuh kediri, anak mega enda diasuh ngugi tauka nguai ke urang baik ka iya nya anak indu, semua endang diasuh ngibun bilik.

Ketegal nya meh kebuah Apai-Indai enda magi reta tengkira ngagai anak maya sida agi idup. Kemaya hari tuk anak enti udah pandai sida sigi enda diau di rumah panjai, semua ngidup ka diri di nengeri, meli rumah, mulah reta tengkira kediri empu semina anak ke kurang pemandai ke enda ulih ngereja di negeri aja ke ngibun bilik ngereja pengawa umai di rumah panjai. Ia ke udah ditemu aku Apai-Indai sigi enggai dibai anak diau di nengeri, ambih sida iya ulih lama diau di nengeri seminggu dua, pengidup sida sigi di rumah panjai.

Taja pan sekeda anak diau di nengeri, sekeda sigi meruan ingat ka rumah panjai. ngirum belanja ngagai Apai-Indai di rumah panjai, nulong menyadi ke diau di rumah panjai ngemansangka pendiau di rumah panjai. Ari nya tadi Apai-Indai enda magi anak, ngibun enggau enda ngibun, nya meh kebuah enda tepikir ka magi reta tengkira ka anak.

Anak ke kerja di nengeri mega baka urang ke bejalai. Kelia kitai Iban bekereja di Berunai, di Miri, di Bintulu, di Sabah bejalai bekuli di menua urang, tang diatu nya ukai menua urang agi nyau nyadi menua diri empu.

Tang kitai diri menyadi sigi enda ulih begulai sebilik selama-lama tentu mega tiap iku kitai ka ngidup ka diri niri ka rumah tangga ke diri empu, nya meh kebuah laya tau ulih nyadi antara diri sebilik. Menyadi ulih begulai tang ipar enda ulih, pia mega anak.

Nyadi ngambik ka diri sebilik enda belaya enggau pangan diri, enti Apai Indai enda ulih ngatur, anak ke tuai patut mega bepikir ka utai bakatu, ngambik enda charut dudi hari.

RUMAH BESAI ORANG RAJA DIAU


EDITOR CHERITA URANG SEMPURAU





ASAL PENATAI KAMI URANG SEMPURAU

Batang Ai/Engkari

Nitih ke jerita ke ditusi Apai aku lebuh maya iya ke agi idup suba, kami tu kebendar ia datai Batang ai, Engkari tang ba senentang ni menua sebelah Batang Ai enggau Engkari nya enda aku nemu.

Ibau Kapit

Ari batang ai enggau engkari kami lalu datai di menua Ibau ari ili Kapit, pelaba tu angka dalam taun 1920 kelia. Di Ibau dia aku enda ingat ba rumah sapa tauka ba Ng nama laban enda ditulis semina ingat bakanya aja utai ke di jerita ka Apai aku.

Ng Sebilat Mujong, Kapit

Ari Ibau kami lalu pindah ke Ng Sebilat Mujong Balleh, Kapit. Tuai kami maya nya benama Siang. Nyadi kebuah kami pindah ari Ibau nitih ke jerita urang (Ukai ari Apai aku, laban Apai aku bedau ada maya nya) laban rumah kami diserang jugam, bisi sekeda kami serumah nya pindah ke ili agi, bisi mega sekeda kami serumah pindah ke Katibas, lalu kami dibai niang tuai Siang pindah ke Mujong (Ng Sebilat) ari ulu rumah Unggang (Diatu enda aku nemu nama Tuai Rumah sida nya dia).

Ng Setapang, Melinau

Ari Ng Sebilat kami lalu dibai Niang Bangau pindah ke Ng Setapang Melinau, sekeda nya tadi kami serumah pindah ke ulu Mujong, Tuai Siang pindah ke ulu Mujong, bebagi kami serumah.

Apai nyadi sedadu
Apai aku kelia kerja nyadi sedadu begulai enggau British di menua Malaya, mayuh kami serumah maya nya nyadi sedadu, kitai Iban sigi endang dipuji urang putih berani. Bisa ga pengelias sida Aki, pengaruh dikena sida Aki ngayau kelia dibai Apai aku nyadi sedadu, nitih ke cherita urang ke bisi meda maya bedara ke penurun sida ke Malaya, berenyang tiang piring ke tinggi (Aku enda ingat ke nama tiang piring nya, sida ke agi pengawa miring angka nemu) laban Raja Remaung, bisi 3 kali negung! lindap tanju tang nadai dipeda. Berapa lama apai aku nyadi sedadu di Melaya aku enda ingat.

Apai kerja nyadi polis
Pemulai Apai aku kerja Sedadu iya lalu boleh kerja nyadi polis di Kapit. Badu nyadi polis apai kerja Survey enggau urang putih di Miri, Survey minyak. Maya kerja Survey dia meh Apai aku belajar nulis, ngira ba siku kitai Iban ke benama TINDIN ke endang bisi pemandai maya nya, Tindin sigi endang pengajar, sekula ke diajar iya di Miri dia enda aku nemu, pelaba aku tentu nya ba St Columba dia. Badu kerja Survey laban ke dipesau ke sida Ini pulai ke menua enda tau enda.

Kerja ba Mission Methodist Kapit
Pulai ke menua, Apai aku lalu diasuh urang kerja nyadi Pengajar ba Ng Meluan Melinau Kapit, laban iya ke bisi pemandai nemu macha, nemu ngira, taja pan nadai Certificate nguna Standard. Matapelajaran ke di ajar Apai maya nya Arithmetic tauka Ngira.

Batu Seputin
Badu ngajar di Ng Meluan Melinau Apai aku lalu kerja terus enggau Mission Methodist di Kapit, nyadi Paderi. Apai aku siku ari urang Paderi keterubah ia di Kapit, lalu bejalai ngajar sembayang tunga ke Batang Rajang ngagai rumah panjai. Quarters kami di Batu Seputin, ari ulu pasar Kapit, diatu nyadi ke Agriculture Training Center.

Pulai ngentak rumah ba Ng Seperin ketegal menua
Bala kaban belayan ke di Melinau enggau sekeda ke enggai ngeleka ke menua ke udah lama udah dirumpang di Ng Sebilat ngenduh kediri sebelah kebun getah enggau tanah temuda lama lalu mesau ke Apai pulai ngirit bala pulai ngentak ba Ng Seperin laban menua nya ka diambik sida Rumah Unggang enggau Rumah Tingang Rantau Enseriban. Apai aku lalu berunding enggau sida Mission nukar ke pengawa ngerembaika ajar Tuhan ngagai sitak Mujong. Ari Ng Seperin meh tempat Apai kerja. Kami lalu netapka diri dia sampai kediatu.


TOPIC RANDAU KITAI

I) KEPAPAS KA BANSA DIRI
Meri tabi basa ngagai semua kita ke bisi lalu ngagai ruai aku tu, aram meh kitai berandau lalu bejurai ka pengawa, pemansang kitai kemaya ari tu. Selalu mega aku nyenguk ngagai Laman web forum kitai, macham-macham mega komen kedipansut ka kitai, tang kitai semina kutap-kutap berandau ka pemansang kitai bansa Iban ke jauh amat udah tinggal ari bansa bukai. Bisi madah ka kitai Iban nadai segulai sejalai enggau pangan diri, bedengki. Bisi mega madah ka kitai Iban sumbung enti udah bisi utai, udah kaya lalu enda beduli ka tudah ke merinsa. Bisi mega madahka kitai Iban tu enggai besaing enggau bansa bukai ngereja pengawa dagang semina ka ngiga kerja lintas bekuli enggau bansa bukai. Ba senentang utai ke bakatu angka bisi ga amat, laban aku bisi mega ngasai ka ba aku empu, sebedau ka nuduk ka pengawa dagang aku bisi mega betanya ba kaban ke dikelala nanya ka chara-chara pasal bedagang, bisi mega sekeda ka madah tang bisi mega sekeda madah secara negative, lalu mega enggai madah.

Aku mega bisi pengalaman ke pedis sekumbang ke baru nuduk ka pengawa dagang, bisi bansa diri empu (Kitai Iban) urang ke sepatut iya dipebasa ka kitai bansa, ke ulih nunjuk ka kitai, meri peransang enggau penemu ngagai kitai bansa, urang ke bepangkat besai bisi kuasa bepangkat Manager. Pengurus Bank uhhhhh…..aku nadai berutang pia mega deka nginjau duit, semina aku nya tadi ka bekelala lalu madah ka iya pengawa aku laban kedai aku ngimbai Bank. So kitai mesti ka nemu ‘Who is our neighbour’ tang aku chukup kecewa ka perangai urang tu….bejaku sumbung lalu enda chechamang madahka aku “ Hey….be careful, nuan muka studio (Recording Studio & Jamming Studio) ngimbai Bank premises, nemu nuan vibration ari studio nuan ulih ngasuh alarm Bank bemunyi? Client nuan ngamah ka utai sebelah luar Bank! I’ll not hesitate to complain to the Landlord…I warn you!’’ ko iya. Nyadi ko aku, I don’t think vibration sampai ngagai tempat nuan…laban aku sigi nyimpan utai kena nagang bunyi keluar ari Studio. Aku mega madah ka iya I’ve been working with the bank for 10 years, I know how the alarm works. Tang iya lalu majak ka diri ka complain aku ngagai landlord. Aku enda beduli ka warning ari iya lalu nerus ka ngaga renovation, baru 2 bulan business aku udah beoperasi alai aku nerima surat ari landlord meri notice ngasuh aku pindah. Naka pengerugi, cost renovation bepuluh ribu dibuai, aku nadai daya tang terpaksa bepindah ngiga tempat bukai….

Ba penemu aku tu meh siti jalai kepapas ka bansa diri. Nama enggai berunding enggau manah, tulong meh bakani jalai nagang vibration nya.

Bakani ko penemu kitai....patut ka enda?

II) NGANGKAT KA BANSA DIRI

Bansa bukai enda jauh nyema bansa China endang sigi udah lama mansang dalam pengawa dagang, pia mega bansa Laut udah lebih maju ari bansa kitai Iban. Kitai sama bela nemu laban bansa urang bukai endang beserakup ka penemu, ulih betulong sama diri, nadai ati bisi kepapas ka bansa diri. China bisi Persatuan dagang diri empu (Chinese Chamber of Commerce) bansa Laut bisi persatuan kediri empu (Dewan Usahawan Bumiputra Sarawak)taja pan DUBS nyerangkum kitai Iban tang sida tu chundung ngagai bansa sida empu, kitai Iban kurang diberi perhatian.

Kitai mega bisi Persatuan kediri ianya Dayak Chamber of Commerce (DCCI)tang aku enda nemu sida tu ulih ke enda nulong bansa diri empu laban ngelamatu sekeda penusah kitai Iban nadai ulih diputar ka sida tu. Bansa kitai Iban agi bedau mengkang tusah, lebih agi sida ke Bedaja diburu China kin kia nadai endur tempat ke patut, minta kasih ngagai china. Bala YB mega selalu mansut ka penemu tentang pemansang, tang dedinga aku sida YB semina jaku aja. Enti ka muka kedai kitai mesti ka beguna ka Mudal duit. Ka nanam Sawit pan kitai ka beguna ka duit. Enti bisi tanah be-ikar ikar, bakani ko kitai ka ulih ngemansang ka tanah enti nadai pukok kena?


TU MEH HASIL KERJA LAGU & VIDEO CLIP KE UDAH DIGAGA ARI SYARIKAT AKU, ARAP KA LAGU TU ULIH MENGHIBUR SEMUA PEMINAT LAGU IBAN. ENDA KIRA ALBUM TU ILA DIEDAR KA SYARIKAT AKU TAUKA DIJUAL CONTRACT KA NGAGAI SYARIKAT BUKAI, ANTI AJA MEH KELUARAN IYA. BELI MEH CD/VCD KE ORIGINAL. WARNING: This song is protected by copyright Act


Siti Lagu dipelaba ke dikerindu ka nembiak kemaya hari tu. Lalu disadang nyadi hit ba Album tu ila. Wawaaa...Steady aku..Bisi meda aya kita ngisin diri main gita ba Video Clip nya dia kita Jang/Endun? WARNING: This song is protected by Copyright act. Barang sapa ke bisi niru lagu tu ulih didawa ba Court under Copyright act....








Maya lapang pengawa aku & anak-anak (ia ke laki) endang sama-sama berminat meda Gusti. Wrestling Idol aku Ultimate Warrior (Jim Helwig)taja pan Ultimate Warrior diatu nadai agi begusti tang ia tetap nyadi Legenda. Padan enggau tusuk tubuh sereta mega bertenaga Ultimate Warrior tetap 'The Greatest Wrestler of the time' selain Hulk Hogan (Tony Bollea)& Rick Flair

b
TU MEH AKAK AKU KE NYAGA BILIK KAMI DI MENUA
NYANDIK UCHU IYA

TUAI RUMAH - NG SEPERIN BENUNG BELICHA MAYA MAKAI




Baby boy & Mak iya

Anak Dara aku



Ahli keluarga (Keluarga Abang - Nephew & Nieces)

ANAK BUJANG AKU

Tu meh gaya pengawa anak aku, maya lepa enti enda ulangkaji, ngaga gambar diri empu baka gambar antu.


Dedunga kediri nadai kaban. Lelengau, dikurung, dikungkung
NAMA PENYADI ENTI KITAI MENSIA BAKA IYA TU?



Siku ari jelu kayam kedikesayau ke anak aku
TANG DIATU UDAH NADAI AGI - MATI KELALU DIKAYAM


Bedau tau ngerayap - Baby boy

video
Shooting cherita Antu - Ghost Scene 1 Sekeda ari ulah anak aku


Antu lesap - Ghost Scene 2


Guitar Solo - Always Somewhere

Wednesday, November 26, 2008

ULAH ANAK MIT

Nya meh gaya kitai maya agi mit, manchal udu ngelaban utai. Belaya enggau pangan diri, jaku anang endang ke buah mulut sida Apai Indai, nadai nemu jenuh belanda kin-kitu bekejengkak. Sapa ke besai agi buli ia ke mit agi, dichubit ia ke mit agi nya.

Ha.... peda kita diatas nya lengan di chubit, ukai Apai-Indai ngelaban nya unggal, anak biak sama anak biak, hari hari kena chubit endang nadai selitan kasih meda. Kati sema anak kitai nyubit anak urang dirara kitai tauka di lak ke kitai? Enti kitai ngerara anak bakani ko kitai ngerara ngajar sida ia? Bisi urang sekeda enti ngerara anak lalu dijamah, di-insah betul nya kini? Sekeda enti sema belaya melaki bini anak di-jamah... munyi ko laut anak nyadi mangsa! Enti ulih anang baka nya kita wai... kasih anak kitai. Sida agi mit enda baka kitai udah besai tuai, nitih ka umur sida ga chara kitai nganu, mit lain agi ga... besai lain agi ga...

Nyah... enda kasih meda anak nyabak, anang nganu sida iya enti sida nyabak, ni nemu bisi pedih kini... Anak mesai tuk empai nemu madah ka kitai nya wai... Enti anak sakit angat nemu ga kitai iya sakit, tang enti iya nyabak enggai badu-badu angat enda ga.. Nama sakit iya deh? Enti sakit perut tempap ba perut, tibuk-tibuk munyi ia, tentu ga iya sakit perut, unsut minyak angin, anang ngunsut ngena minyak kapak kelalu kuat... minyak chap burung manah kena anak mit...

Enti anak kitai happy tauka ceria (ko emputih enggau laut) kitai pan senang meda sida iya, maya ke nurun kerja asai ke di peda belama mega gamal anak... Enti sida sakit, puas mega betati ka sida ke tinggal dirumah...

Sunday, November 9, 2008

ENJOY NGINTIK IKAN PUYU - UJUNG MINNGU

Maya ujung minggu tu kemari kami sekaban ngintik Ikan puyu ba danau lumbung dibelakang TESCO enda jauh ari Puchong. Mayuh ulih kami bisi sebeledi. Gintik nya lain ukai ngintik kait ngena umpan tang ngena pukat. Pemesai Ikan puyu ke ulih kami kira senempap. Peda kita kaban aku benung ngulih ka ikan puyu balut gintik pukat.

Tu meh view lupak lumbung ke endur kami ngintik, besai amat danau tuk. Manah endur picnic maya ujung minggu, bebai ka anak bini. Sambil ngintik lalu manggang ngut.


Goreng ikan puyu

Saturday, November 1, 2008

EDITING GAMBAR NGENA PHOTOSCAPE


Siti chara editing gambar ke pengambis senang ia nya ngena software photoscape. Software tuk mega ulih capture gambar ari screen. Software tuk free dikena. Download dituk! 100% free.









Anang lupa, peda kita diatas nya chara aku ngaga gambar. Enda manah, tang ulih gaga manah agi nitih ka creativity siku-siku kitai. Download dituk! 100% free.